العظم الأسود .. جـ4

العظم الاسود الحلقة الرابعة ..
عبد العاطي الي عرفته بالتخمين ، اول ماشاف الكيس الي بيدي انتفض من مكانه
وقالي : ايش هذا ؟؟ .
قلت : ماتعرف ايش هذا ؟؟ ، خذه
قال : اخذ ايش ؟؟ انت مين ؟؟
كان مسوي موعارف شي ، وكأنُه يستهبل ، " ايش ؟؟ عظم ايش ؟؟ انا معرف شي !! "
رمِيت الكِيس بوجهه وقلتله : انت تعرف الكيس ذا ايش سوا فينا ؟؟ تعرف قد ايش تعذبنا بسببه ؟؟ تعرف ان العظم كان سبب فِي موت اصحابي ؟؟ وواحد الحين راح يموت .
العظم ذا وش قصته قول لي دحين !!
.
اعطيته العظم بيده ، سحب يده بسرعة وترك العظم يطيح على الارض ،
وقال : انا مالي دخل انا مالي دخل ، انتو الي جيتو بآخر الليل ، وكانت اخر ليله بالسنة وذي الإشارة وذا المعاد ، وانا كذا دوري انتهى دوري انتهى .
.
قلت : انا موفاهم شي من كلامك !! ، خذ العظم عشان انا مابغى اموت زي الي ماتو .
عبد العاطي سكت ، طبعاً انا انهرت وطيحته ع الأرض وضربته بـ هستيرية ، وقلتله انا راح ادفنك هنا .
.
قال : خلاص خلاص ، انا بقولك على كل شي ، بس صدقني ماراح تفرق كثير .
قلت : لا احكيلي انا ابغى اعرف .
قال : العظم ذا حق ساحر !!!!!!!!!!!!!! ، واليوم دام السنة خلصت ، انا بحكي وبشيل الي فوق قلبي ، الساحر ذا كان بيأذي ناس كثيرة بـ شره وحقده وسحره وكُفره بالله ، حكمو عليه زمااان بـ انه يندفِن وهو حّي !!!!!! ، ويوم دفنه جلس يصرخ ويصرخ ، ويقول انا راح ارجع انا راح ارجع
.
بس هذي هيا كل الحكاية وكل سنة يجي خادم جديد للمقابر ( حارس مقابر ) عشان يخدم الساحر واخر كل سنة يجو ناس ويشترو العظم وخُدام الساحِر من الجن لازم يقتلو اربعة من الناس القريبين من الي اشترى العظم واحد يقطعوه والثاني يحرقوه والثالث يغرقوه والرابع ماعرف ايش يسوو فيه لاني رجعت العظم قبل ما اموت وهذي المرة الدور عليك انت يا دكتُور ، قلت : انا مو فاهم شي ! كيف الدور عليا ؟ ، قال : يعنِي انت الحارس الجديد للمقابر ، انت الي رجعت العظم ، يعني انت الحارس الجديد وانا دوري انتهى وراح اتحرر اخيراً .
انا زمان قبل ماكون حارس المقابر ، رجعت العظم لحارس المقابر الي قبلي ، بعد مازوجتي وصاحبي واخي ماتو ، وعلى فكرة حارس المقابر الي قبلي واحد انت تعرفه كُويس وهو الي دلّك على هنا ، عم سيّد حارس المشرحة عندكم بالكلية تذكره !!!!!!!!!!!!!! .
.
يعني ايش !! يعني انا راح اعيش سنة كاملة مع الأموات ؟ لا لا انا لازم اهرب ، بس اهرب وين ؟ ذا ساحر وعنده خدام من الجن ، راح يلقاني ، لا راح اهرب ، دخلت الغرفة عشان اجمع ملابسي لقيت الخادم فـ وجهي ، خلاص خلاص انا ماراح اهرُب ، كُلها سنة وراح تعدِي ، انا دحين كتبت قصتي بـ مذكراتي ، واكيد فيه ناس شافتها وناس طبعتها وناس سمعتها !!! ، واعرف انه فيه ناس كثيرة عندها فضول وتبغى تعيش مغامرة ، انا الحين اكتب قصتي فِي اواخر 2013 ، تعال اواخر سنة 2014 وخذ العظم مني ، وراح تعيش افضل مغامرة ممكن تعيشها فـ حياتك ، راح تعيش سنه كاملة مع الاموات ، راح يموتو اربعة من اهلك واصحابك ، تعال فـي نفس الموعد على طريق الواحات .
* إنتَهِت *!

» العظم الأسود .. جـ3
» العظم الأسود .. جـ2
» العظم الأسود .. جـ1